Fotos do Día da Paz

Día da Paz no Ceip As Covas

O venres celebramos na escola o acto conmemorativo do Día da Paz e non violencia. Un momento especial para compartir o noso desexo de paz. Con este vídeo queremos tamén compartilo con tod@s vós.


"A violencia é o medo aos ideais dos demais". Mahatma Ghandi.

... e seguimos coa PAZ

Os nenos e nenas de 5 anos xa comezamos a traer os cartos que nos deron na casa por vender os nosos marcapáxinas pola Paz.

Metémolos nun buzón que hai na entrada do Colexio.

Hoxe na clase tamén aprendimos a facer un avión de papel. Algúns voaban mellor ca outros ... pero foi moi divertido. Temos que practicar máis.

Xa vos iremos contando para que son os avións ....

Estamos a traballar a PAZ

O día 30 de xaneiro é o día da Paz.

Na aula de 5 anos empezamos a semana pasada recordando a Gandhi e como pasou a súa vida axudando aos demais. Tamén estamos a aprender unha poesía de Gloria Fuertes: sólo tres letras.

Todo o Colexio vai colaborar coa O.N.G. Fundación Vicente Ferrer, facendo uns marcapáxinas pola Paz.

Nós fixémolos con distintas técnicas: pegamos tecidos de moitas cores, botóns, pezas pequenas de mosaico, pompóns ... e tamén pintamos con témperas e acuarelas. Mirade que  preciosísiiiiimos quedaron. Cando os rematemos todos, venderémolos ás nosas familias.

Calendario 2011

Open publication - Free publishing - More primaria

CONCURSO DE MURAIS DE NADAL DO CONCELLO DE MEAÑO

Os nenos e nenas de infantil participamos no concurso de carteis de Nadal organizado polo Concello de Meaño. As propostas foron variadas e orixinais empregando distintas técnicas, materiais plásticos e moito entusiasmo e creatividade. Participamos as catro aulas de infantil e tivemos a sorte de obter nun dos carteis o 1º premio (4 anos).

Fotos Nadal

Fotos de Infantil 1º Trimestre

Festival de Nadal

Boas Festas e Feliz Aninovo, dende o Ceip As Covas.

PINTORA: FRIDA KAHLO

Os chicos e chicas de 5 anos estiveron a traballar a vida e a obra da pintora mexicana Frida Kahlo.

Como o tema proposto pola Biblioteca do Centro para este curso é a alimentación, fixeron a súa propia interpretación (con acuarelas) do cadro titulado "Sandías con leyenda: viva la vida", ... e quedoulles así.

Fixeron tamén un retrato de Frida e descompuxeron a súa foto nun puzle.

A profe Montse prestounos varios libros de Frida para que os miraramos na clase.

Raquel V.

Cantamos os pitiños, o moucho e aquela de antes de dicia: polo fondo do mar....

Mirádeme! Son eu! Fíxate ben! .... algún e algunha tiñan a boca aberta!

O moucho .....

Polo fondo do mar......

Festival de Tino Baz en Meaño

O Ceip As Covas de Meaño polo 125 aniversario do falemento de Rosalía de Castro, fixo unha gran festa, para lembrar a súa obra, onde as nenas e nenos de primaria recitaron poemas e escoitamos a Tino Baz, acompañando polos nosos mestres: Paulo Nogueira e Alberto Giadanes.
Foi moi emocionante e moi fermoso, era o mellor homenaxe a unha das nais da nosa lingua, Rosalía está viva en todos nós.

Algúnhas e algúns quedamos abraiados coa aberta!

TINO BAZ e Rosalía de Castro

O venres, día 3 de decembro, chegou á escola Tino Baz para cantarmos poemas de Rosalía de Castro. Os nenos e nenas de Infantil tiñamos ensaiadas dúas cancións co profe Alberto para cantalas con Tino.

Gustounos moito a súa actuación ... e cando arremangou o xersei vimos que tiña unha tatuaxe de Rosalía de Castro no brazo. Nós non tiñamos tatuaxe, ... pero levabamos unha pegatina no mandilón e unhas estreliñas nas palmas das mans.

Cando rematou de cantar, dixemos todos: OUTRA!!!! ... e cantou outra, ... e logo outra máis.

PINTOR: SALVADOR DALÍ.

Na clase de 5 anos estamos a traballar un pintor ou pintora cada mes. No mes de outubro traballamos a Salvador Dalí. Partimos do conto "El pequeño Dalí" e metémonos un pouco na súa vida e na súa obra.

Fixemos un bigote moi longo para parecermos un pouco a Dalí ... e somos igualiños a el.

Tamén traballamos o retrato, e cadaquén fixo un retrato de Dalí.

Pintamos con acuarela "Muchacha en la ventana", e descompuxemos un cadro de Gala para faceren un puzle.

.... e quedounos así. 

Raquel V.

Dentes limpísimosssssssssss.

Como todos os anos, a Consellería de Sanidade pon en marcha a campaña de saúde bucodental e agasalla aos nenos e nenas dos Centros escolares con cepillos de dentes.

Para aprender a ter unha boca sa e limpa, os nenos e nenas de 5 anos estiveron a cepillar os dentes nunha boca moi .... moi ... moi grandota. Tamén contaron os dentes e as moas, observaron as diferentes formas que teñen os dentes, o tamaño que teñen, a súa cor ... e compararon as súas bocas, abertas e pechadas.

Foi divertidísimo. Ó rematar as clases cadaquén levou o seu cepillo de dentes para casa.

Raquel V.