RECOMENDACIÓNS PARA O VEŔAN

Un resumo da reunión de fin de trimestre de 3 anos sería:
- Calma
- Natureza (praia, parque, paseos polo río...)
- Tempo en familia
- Coidar a 'sobreestimulación' (nos xoguetes, nos lugares de xogo, na tele...) Debuxos lentos, sen violencia...
-Escoitar aos nen@s, contarlles contos, falarlles...
-'Deixar que medren': deixar chupetes, biberóns, falarlles en linguaxe adulto, non sobreprotexer, fomentar a autonomía...
- Que se movan, que trepen, que salten, roden, bailen, gateen, corran, suban escaleiras...
-XOGAR, XOGAR E XOGAR
-Que xoguen ao 'vexo, vexo', a puzzles, a construccións, a contar, a recortar, a 'escribir' e/ou recoñecer os nomes dos compañeir@s, xogar con letras móviles, debuxar, pintar, rasgar papel... pero LIBREMENTE, que están de vacacións!
-Xoguetes canto menos estructurados, mellor. Elementos da natureza: paos, pezas de madeira, cunchas, auga, terra, area...bonecos, peluches, coches... (coidar a BELEZA!)
- Que asuman pequenas responsabilidades, acordes coa idade:
. Facer a cama (ou axudar a facela)
. Poñer a mesa (e recollela)
. Axudar nas tarefas da casa: recoller os xoguetes e a roupa, ordenar os espazos comúns da casa...
. Vestirse só/soa
. Regar as plantas, recoller as pinzas, axudar a tender a roupa, barrer, cociñar...

Poden ser outras, as que teñades de rutinas na vosa casa. É mellor se as acordades cos nenos/as, así deberán responsabilizarse de facelas...
Pode ser con sistema de puntos, gomets, coma un xogo, etc. ou falando con eles e animalos a facelo (é un ben común)... Ao final da semana pode haber unha actividade especial en familia: parque, paseo, praia, cine...
IMPORTANTE: moita paciencia, normas poucas e claras e castigos coherentes (pérdida de privilexios)

Moitas gracias pola vosa colaboración. Vémonos en setembro.
Profe Luisa

E para rematar (aos que non puidestes asistir á reunión), déixovos un vídeo que ilustra cómo o mellor nestas idades é xogar e pasar tempo cos nen@s, que non nos saltemos etapas da infancia e que cada aprendizaxe cando toca...


¿Bailamos?  © por jafproducciones

Aniversario con pintura

Hoxe celebramos na clase o aniversario de Lara. Cantámoslle todos e fixo un precioso cadro que colgaremos na nosa aula ... cando seque.
Mirade que bonito lle quedou !!!!

Pegadas !!!!

Estes días estivemos a cambiar as portas dos baños de infantil ... e coa axuda da profe Lara todas as nenas e nenos deixaron as súas pegadas das mans e dos pés.

Foi unha actividade moi divertida ... e agora as portas quedaron ben bonitas  !!!!

Letras Galegas

Un ano máis o Concello de Meaño anímanos a participar no concurso de ilustración de contos para conmemoraren o día das Letras Galegas.

A clase de 3 anos realizou unha reportaxe fotográfica de varios contos populares, clase de 4 anos ilustraron o conto "Cocorico"... e na clase de 5 anos "Don cabaliño de marrrr"

Parabéns para as chicas e chicos de 5 anos e as súas mestras, xa que lograron o 1º premio !!!!

No mes de abril pasou esto...

Fixemos unha saída ao Mercado de Pontevedra:

Na nosa mesa de outono había moitos carozos e millo que xa se estaba a estropear, así que decidimos pintar tela para facer un vestido e convertir os carozos en bonecas... quedáronnos ben bonitiñas! O ano que vén máis... porque nos deu moito xogo!!

           

Xunto cos nenos e nenas de 4 e 5 anos, preparamos a visita de Peter Punk, de Pallasos en rebeldía, falando de qué é un refuxiado, vendo e comentando imaxes de nenos e nenas que non teñen tanta sorte coma nós porque tiveron que fuxir e deixar as súas casas e falando do que era importante para nós... Entre todos preparamos un mural coas nosas 'maletas' e o importante que levaríamos nelas.

                                    

Na nosa clase ocorréusenos a idea de que nos viñera visitar alguén da nosa familia e facer algo con nós. Por iso redactamos unha carta entre todos e a profe a escribiu no ordenador:

                                                       

E... xa recibimos algunha visita!!! A mamá de Iria e Uxía veu contarnos dous contos e nos contou un pouquiño da súa profesión:

E a tía de Aroa ensinounos a facer magdalenas!! Encantounos!!

Para celebrar a primavera, estación na que florecen as árbores e se preparan as hortas, nós tamén quixemos poñer bonita a nosa mesa de estación plantando lentellas e fabas.

Primeiro, decorar a nosa maceta (un iogur)

 Logo poñer algodón:

Logo, regar:

E, pouco despois... nacer:

Ata as fabas naceron ben rápido e feitiñas:

Ademáis, cada día, na asemblea falamos un pouco de cómo nos sentimos, contamos algunha noticia da casa,  contamos cántos estamos e cántos faltan, facemos algún xogo de matemáticas manipulativas (abn) e rematamos con xogos de psicomotricidade: convertíndonos en leóns, crocodilos, serpes, medusas, etc, e así, reptamos, gateamos, xiramos... e pasámolo ben.

 

 

 

Para rematar o mes, celebramos o Maio, cosendo colares de pampullos e cantando o Maio.

Aniversario con pintura

E despois de Yago .... Daniel cumple hoxe 5 anos. Decidiuse polas cores laranxa, azul e verde para facer o seu cadro. Felicitámolo e cantamos todos xuntos para el.

Sabedes ? Este mes tamén é o aniversario da profe Lara e da profe Lidia.

Aniversario con pintura

Hoxe Yago cumple 5 anos. Nun día tan especial fixo o seu cadro e escolleu para facelo as cores azul, vermella e amarela. Decorou a súa coroa e cantámoslle "cumpleaños feliz".

Este é o seu cadro. Mirade como o fixo.!!!

Festa dos Maios

Como todos os anos... hoxe celebramos a festa dos Maios no colexio. Fixemos colares, pulseiras e coroas para o Maio e para nós. En infantil sabemos coser moi ben... os nenos de 3 anos tamén coseron. Gustolles moito esta festa.

Mirade que guapas e guapos están. !!!  Ao final  cantamos unha cantiga todos xuntos

Moitas grazas as familias pola súa colaboración.

As plantas dos pés

Na nosa aula estamos a traballar as plantas. Estivemos a trabajar tamén sobre todo o proceso ... sementar, regar ... Escollemos bulbos de diferentes plantas con flor ... Agora soamente temos que esperar e velas medrar ... traballamos así tamén a paciencia. Cando remate o curso, levaremos as plantas para casa.

Podedes velas colgadas na gaiola  que está no patio cuberto.

Moitas grazas ás familias por ter colaborado con nós.

Peter Punk

Hoxe estivo no noso cole Peter Punk, un pallaso que pertence a un movemento que se chama "Pallasos en rebeldía" e que traballa cos refuxiados sirios de Idomeni. Faloulles aos nenos de primaria de como é a vida nos campos de refuxiados, das súas carencias, de por que fuxen do seu país ...

O seu traballo baséase en axudar aos nenos e maiores a gozar con pequenos momentos divertidos .... nesa terrible situación na que viven..

Fixo para nós unha bonita e divertida representación e fixo participar a varios alumnos de infantil e primaria.

Moitas grazas as familias por ter participado coa súa aportación económica.

Día do Libro

Hoxe celebramos no cole o Día do LIbro, como todos os anos. Emparellados maiores e pequenos, tiñan preparado un conto que traían da casa ... ou da biblioteca do colexio, para contar á súa parella.

Escolleron o recanto que máis lles gustou para facelo .... aínda que este ano mooooitos elixiron a zona do estanque. Fixo moi bo tempo ... Mirade como lles gusta ler !!!!

No teatro ...

Hoxe estivemos en Pontevedra para ver unha representación musical da compañía Mamá Cabra.

Gustounos moito porque cantamos todo o tempo. Xa coñeciamos algunhas cantigas ... que temos traballado co profe Alberto en música.

Aniversario con pintura

Hoxe Candela cumple 5 anos !!!. Seguimos na clase coa actividade de pintar un cadro nun día tan especial. Escolleu as cores laranxa, lila e rosa para facelo. Tod@s nós cantamos para ela e a felicitamos.

Este é o seu cadro.

No mes de marzo pasou esto...

Fixemos bonecos de neve para a nosa mesa de estación...

Preparamos a nosa portada dos traballiños de Semana Santa, un polo de Pascua con papeliños:

E, tódolos días facemos relaxación e atención plena... Algunha vez despois dos recunchos, outras ao vir do recreo... volvemos á calma despois da actividade. Pode ser con masaxe cunha pluma, cun masaxeador-tren de rodas, ou por parellas recitando: 'Un neno hai aquí'... Pasámolo pipa!!

E en corro xogamos a pasarnos a 'botella da calma' ou o 'gusano do silencio'. Pedímolo por favor e esperamos o turno...

 
































E rematamos o mes cunha sorpresa!! Recibimos a visita na nosa clase dun pirata moi especial que non tiña nome!! Pero que nos escribía unha carta pedíndonos un nome e... invitándonos a visitar unha praza de abastos!!
Enseguida, entre todos, decidimos chamarlle Juanito, porque despois de moito dialogar... non podía ser que non tivera nome alguén: todos temos nome!!

E cumpliron 4 anos Noelia e Bruno. Para celebralo, pintaron os seus debuxos reservados: