Psicomotricidade en 3 anos

Nas clases de psicomotricidade facemos cousas como:

Xogos de coñecemento: pasamos o saquiño e dicimos algo que nos gusta ou imitamos un animal. 

Se coincidimos, dámonos unha aperta.

 

Xogamos cos aros: 'Somos uns artistas'. Primeiro, experimentamos con eles, metémonos dentro, andamos por riba, facémolos rodar... E despois, en corro, cada un amosa o que sabe facer e os demáis lle damos un aplauso.

Despois contamos o conto do paxariño, que durme no seu niño; cando sae o sol empeza a despertar, vai voando, buscando comida, subindo ás árbores.... e logo, cansiño, volve ao seu niño.

 EXPERIMENTAMOS...

 

'SOMOS UNS ARTISTAS':

 

'SOMOS PAXARIÑOS':

                         

CIRCUÍTO: Por debaixo do túnel, por riba do rodillo (coidado ao caer!!!), salto de aros e darlle co saquiño á pantasma....

 

 

 

Obradoiro: ciencia e experimentos

Esta semana rematamos cun novo experimento.

Experimento 5: que líquidos non se mesturan?

Precisamos mel, auga, témpera, aceite, vasos transparentes e unha xerra.

Primeiro fixemos as propostas e logo comprobamos.

Botamos o mel no vaso transparente e logo, con moito coidado, engadimos auga tinguida de cor vermella ... e deixamos repousar un pouco. Finalmente engadimos o aceite e deixamos repousar outra vez.

Foi un poco difícil botar o mel nos vasos, porque é moi espesa, por iso contamos coa axuda dos maiores do noso grupo.... eles apretaron con moita forza o bote do mel.

Comprobamos que non se mesturan os 3 líquidos, que podemos distinguir perfectamente as tres capas ben diferenciadas. É debido ás diferentes densidades dos líquidos empregados.

COUSAS DE COVIÑA...

Coviña chegou das súas vacacións en Mallorca e... resulta que está namorada!!!! Como será iso de estar namorada? De quen?? Cantas preguntas!!

O outro día, cando estabamos na clase de 3 anos facendo 'Filosofía', falando do medo, dos sustos, dos ruídos... PETARON NA PORTA!! Que coincidencia! 

Era Coviña que nos traía unha caixa cunha carta (na que nos contaba todo...), cartas para casa,  un conto de AMOR e... moitos corazóns! Non hai dúbida de que Coviña está contenta e nos puxo content@s a nós. 

E nos animou a facer un 'MUSEO DO AMOR'... a ver qué se nos ocorre...

 

Polo outono...

Visitamos á nosa árbore adoptada: o mandarino.Cantámoslle un pouquiño.

Pintamos follas secas e as transformamos en monstros, despois de ler o conto de Onde viven os monstros.

En equipos cooperativos entrevistamos aos compañeiros/as coa pregunta A que lle tes medo ?.Fixemos un rexistro coas respostas.

Celebramos o Samaín !!

Fixemos un bolsiño de bruxas e bruxos para meter dentro o texto da receita do "elixir do amor " que creamos entre todos e todas.Agasallamos unha copia aos nosos irmáns e curmáns que están na escola.

Uuuuuhhh, que meeeedo !!!

Estivemos toda a semana a traballar o medo. Decoramos as clases, contamos contos de medo, bailamos músicas medrentas ... e por fin chegou a festa do Samaín.

Tod@s trouxeron as súas cabazas decoradas da casa e na nosa clase fixemos un obradoiro de terrorífica maquillaxe.

A aula de música estaba "horripilantemente" ás escuras e solamente alumeaban as cabazas d@s alumn@s ... e alí estivemos a ver o conto "corre, corre Cabaciña".

Moitas grazas ás familias por ter colaborado cos doces de Samaín e a decoración das cabazas.

Obradoiro: ciencia e experimentos

Un novo experimento para rematar a semana.

Experimento 4: que cores precisamos para facer a cor laranxa?

Precisamos témpera vermella, azul, amarela, negra, branca, un pau para remexer e auga morna.

Repetimos o proceso de sempre: fixemos as propostas e logo a comprobación.
Estivemos facendo as mesturas de cada proposta, remexendo con coidado e saíron cores sorprendentes... algunhas difíciles de etiquetar. 

Conseguimos a cor laranxa mesturando vermella e amarela. !!!

Aí vén o Samaín...

uuuuuhhhhhh! Que medo me dá!!!!!!
Falta pouco para que chegue a semana máis terrorífica do ano, e en Infantil xa nos vamos ambientando... as aulas énchense de pantasmas, arañas, monstros, mouchos, e demáis seres terroríficos...
...e nós, en psicomotricidade,  xogamos a xogos propios desta data:

'Saúdos de pantasma'

'Convírtome en bruxa, zombie, morcego e vampiro':

'Pantasmas encadeadas': este xogo consiste en ir 'encadeado' a un compañeir@ cunha corda, o cal implica ir a onde vai o outro, á mesma velocidade..., para o cal é imprescincible a comunicación!!!

Xa temos mascota en 3 anos !!!!

Hai uns días fixemos a nosa primeira ... e dificiliiiiiiisima votación na clase.

Tiñamos que decidir que animal sería a nosa mascota e cadaquén foi dicindo cal era o seu animal preferido. Moitos dixeron can, outros gatos, Elena mariposa, Iria e Nicolás coincidiron en elefante, Jara cabalo, Noel dixo galiña ...

A profe foi poñendo as propostas e os paliños dos votos no encerado. Os máis votados foron can e gato. Repetimos a votación soamente para eses 2 animais, aínda que Elena e Jara insistiron en mariposa e cabalo, uffff.

O animal máis votado foi o can ... e dixo Arón "como Chispa, o can dos Bolechas".

Pois xa temos Chispa na porta da clase ... e todo@s content@s. !!!

Obradoiro: ciencia e experimentos

Rematamos a semana con outro experimento.

Experimento 3: que obxectos flotan na auga?
Precisamos obxectos de metal e ferro, madeira, plástico, cortiza, la, anacos de papel e moita auga.
Repetimos o proceso de sempre: fixemos as propostas e logo a comprobación.
Estivemos botando os obxectos pouco a pouco, algúns eran grandes e parecía que ían afundir ... pero non foi tal. Co papel pasounos algo sorprendente, primeiro flotaba ... e logo foise desfacendo e afundiu de todo.
Ó rematar falamos do que lle pasa ao noso corpo na auga ... nadar para flotar, afogar ... @s nen@s contaron as súas propias experiencias na praia e na piscina.

A clase de 3 anos

Xa estamos tod@s, xuntiñ@s e content@s!!!

Benvidas e benvidos ao cole!

Obradoiro: ciencia e experimentos

Esta semana no noso grupo fixemos outro experimento

Experimento 2: que bebidas deixan os dentes escuros?

Precisamos vasos transparentes, ovos cocidos, auga, leite e coca cola.

Formulamos as propostas e logo fixemos a comprobación.

Metemos un ovo cocido en cada vaso e logo engadimos auga, leite e coca cola ... e a esperar.

Despois dun tempo sacamos os ovos dos vasos e comprobamos que soamente estaba escuro o ovo que meteramos en coca cola.

Despois falamos do que pasou cos ovos cocidos (os nosos dentes) e chegamos á conclusión de que as bebidas como a coca cola escurecen os dentes, por iso é moi importante cepillalos ben e todos os días.

Obradoiro: ciencia e experimentos.

Hoxe comezamos os obradoiros nas aulas de infantil. Son 4 grupos e están formados por 12 alumnos de idades mesturadas.

Experimento 1: que bebidas inchan a barriga?

Precisamos leite, auga, kas, coca cola, zume e globos.

Cadaquén fixo a súa proposta e logo fixemos a comprobación.

Puxemos un globo en cada recipiente e axitamos moi forte... e comprobamos que as bebidas con gas inchan moitísimo os globos ... e as barrigas.

Despois falamos do que tiñamos experimentado e chegamos á conclusión de que as bebidas con gas non son saudables. Falamos tamén da importancia de colaborar maiores e pequenos.

Mural do outono

Esta semana estivemos a facer un mural entre todos. Pintamos con esponxas, pegamos os ourizos e finalmente, coa axuda da profe Luisa, puxemos as follas secas que tiñamos collido no xardín do cole.

Colgámolo no corredor de infantil. Mirade que bonito quedou !!!